Misis nga nadakop na may ka-chat nga iba na lalaki, ginkatay han iya bana

TACLOBAN CITY — Ginkatay han usa nga seloso nga traynta-dos (32) anyos nga bana an iya kalugaringon nga asawa kahuman nga madakpan nga nakikipagchat hine ha iba ha ira balay ha Bayambang, Pangasinan ngadan Nobyembre tres (3) nga adlaw.

Ha report han Bayam­bang Police, hubog nga umuli hi Ronmel de Guzman ha ira balay ngan tigda ine nga ginkompronta an iya baynti-singko (25) anyos nga asawa nga hi Geneva kun kay-anu nakikipagchat ine ha iba nga lalaki nga amu naman an ira pinag-awayan.

Tungod ha kahubugan, nagdaros ine hi Ronmel kutob nga iya na ginkuha an kutsilyo ngan ginbuno makadamu an iya asawa ha iba-iba nga parte han iya lawas kun diin kumarigo ine ha iya kalugaringon nga dugo.

Gindara naman dayun ine ha hospital hi Geneva han mga bumulig ha iya pero “dead-on-arrival” na ine nga umabot. Nadakop naman ha follow-up operation hi Ronmel nga nagmaan ha iya nabuhat tungod ha kahubugan. iTacloban Reports in Winaray
iTacloban

iTacloban is a web-based project in Tacloban City, Philippines. We aim to provide the latest guides, news, updates, and digital content across Eastern Visayas and the Philippines. For business promotions or partnerships, you may email us at itaclobanph@gmail.com. facebook twitter email

Previous Post Next Post

Recent Posts

Related