 |
| (Creative Commons, Pixabay) |
Tacloban City, Philippines - Nag-iisang napanalunan ng taga Eastern Samar ang lotto jackpot ng "6/42 draw" noong Sabado ng gabi, ayon sa Philippine Charity Sweepstakes Office (PCSO).
Pinili ng nasabing manlalaro ang anim na digit na may kombinasyong 13-42-03-31-02-22, kung saan napanalunan niya ang kabuuang gantimpala sa jackpot na P20.4 milyon.
Dalawampu't limang (25) iba pang mga manlalaro ang nanalo naman ng tig-P24,000 para sa paghula ng lima sa anim na numero, ayon sa PCSO general manager na si Royina Garma.
Ang 6/42 Regular Lotto ay linalaro tuwing Martes, Huwebes at Sabado ng gabi.
Samantala, wala pa ring nananalo sa 6/45 Mega Lotto draw noong nakaraang Biyernes, na mayroon nang kabuuang jackpot na P100.35 milyon.
Dalawampu't pitong (27) bettor naman ang nagwagi ng tig-P32,000 ng mahulaan ang lima sa anim na kombinasyon na 15-11-38-27-21-20.
Ang 6/45 Mega Lotto ay linalaro tuwing Lunes, Miyerkules at Biyernes. iTacloban